خطوة لوره - باللهجة العامية للشاعر : حسن السكري

(((((خــــطوة لــــوره)))))

تعالوا ناخد زقه لوره

نلملم اللآم المتنطورة

ونسيب الجرح يتنهد جراحه

متنطورة على جدران الحس

رزاز الصوت ... صرخه

بتبث فيضان الخوف اللى جف عالمعانى

ورعشة الخوف المتمددة فى حوارى الصمت

تسرق شروخ منمله على بنيان الروح

خطوة لوره . . عكس إتجاه القدر

بنعايش حجات كانت زكرى

ونفتح بيبان الحلم ونقتل الكوابيس

والموت اللى بيتباهى إنه بيزلزل قلوب الخلق

دلوقتى كانت مرحله وأصبح طريقه سد

بيان للحقد والخوف والزمن

الموت أصبح له عنوان تقدر تتراسل عليه

وأصبح عندك أختيار تدوق

طعم المعانى المتجمده فالرجوع

والأمل أصبح كلمة مدحكة بيسألوا معناها إيه

لا الفقر هينقص العمر. . والموت

الموت أصبح متحدد إقامتة خلف الستار

والحباة خالية من متعة المشاعر والخوف

الخوف أتحول لمجرد زكريات

شىء أكتر من بروده التلج. . .

إن الحياة تبقى مجرد خلود

ونعمة الخوف والأمل . . . حتى الألم

أصبح من مكملات الحياة

خطوة لوره . . . أمسح السطور المرتبطة بحال الخلود

وأعمل حساب الموت إنه مرحله ونقله حياة

والأمل نابع من إيمانك بقدرة ربنا

شعر حسن السكرى